2019 kum review
Kum kal chak ber pakhat.
Chibai. Kumthar chibai.
2019 kum, ngaihtuah miah lova ka han thlir let mai hian sawi tur tam tak ka neiin ka hre mai lo.
Ka tan chuan kum kal rang ber pawl a ni awm e. February thla tawp vel atang khan hna ka thawk tan a.
Hna commute kan ti mai a, chu chu hna kal tura kal chhung/haw chhung a ni mai ang chu.
Ka hna hi mel 30/kilometer 48 vel a nih chu. Kalkawngah traffic a awm miah loh chuan minute 40-45 vel a ni a, kawng a jam vaih chuan darkar 1 atanga 1:30 vel a ni tlangpui awm e.
Hna ka thawh hma kha chuan hnathawh vat ka duh a. Miin commute an hne zia an sawi thin hi ka hrethiam ngai lova chumi chu tem chhin ka duh ve hrim hrim bawk a. A tirah chuan a hrehawm vak loh hi chu ka tia. Tlai lampang hna bang haw ho hi traffic a jam nasa thei sia coffee dawrah te gymah te ka kal kual thin a. Tun thla 8-9 hnu velah chuan a hneawm tan duh hle mai.
Ka hnathawhpui thenkhatte chu kei aia hla fe fe atanga rawn kal a tam a. A hla ber ka hriat chu mel 60/km 96.5 vel a ni. Darkar 2 vel kal a ni a tlangpuiin.
Vawi 2 ka insawn a. August thla khan ka thianpa roomate bulah ka insawn lut a.
Q: Hna ka thawh vat vat chakna chhan?
Hna ka thawh hma khan ka ha hi a na thin a. Tui vawt deuh inin a rawn na nghal a, ka seh pawhin fimkhur a ngai hle a. A sensitive/inflamed tawh hle a, sugar a thlum apiang ka ei lo tawp a ni ber ang chu. A nget a, Ha daktawr atangin temporary filling ka hnawh tir a, a vawi 2 na atan. Root canal a ngai a, crown a ngai bawk a. $ sang chuang a nih avangin hna thawh vat vat a, ka ha na entir vat
vat ka chak hle a ni mai ang chu.
Ka ngaihtuahna thenkhatte:
1) Hna ka thawh atang khan ka hun tam zawk a la a. Hun awl a tlem avangin energy/tha tam zawk chu a la a ni ber e.
Nitin thil tih ngai reng tih reng a ni deuh mai. Nghakhlel takin weekend kan nghak a, a rei lo kan ti leh em em a.
2) Money $$
Sum/pawisa nena ka inlaichinna/relationship a dang chho a. New year khan ka thiante hmun danga awm ho an rawn haw nual a, new year house party an nei a. Tah chuan ka thianpa pakhat chuan tun kum chu kum dang aiin ka hmu hnem deuh che a, a lawmawm a ti a.
Pakhatah chuan a hma zawng khan college zirlai ka ni a, inkawm an tihin pawna chaw ei chhuah te a ni a. Chaw ei chhuahin zirlai
nih lai chuan $15-$20 vel pawh a tam hle mai tih a awl thin hle a ni.
It never feels enough. A tawk tawh e tih a awm theiin ka hre lo.
Levels/thil san lam:
-- People I met
-- November thla khan speaking event ah ka kal a, mipa tan deuh a ni a. Tah chuan mi hrang hrang ka tawng a, a hnua inkawm leh turin a number pawh ka la hlawm nual a.
Chung ho zinga pakhat chu Chinese kum 21 mi a ni a, america rama technical/engineering school tha ber zinga mi ah PHD a zir mek a. Masters 2 a la nei bawk a. Hong kong atangin kum 11 a nihin US ah college zir tura
rawn kal a nia a mak ka ti khawp mai. In lama a nu zirtirna hnuaiah sikul lam hlir a buaipui a ngaih avang chuan social interactions/mihring pawhna lamah a hnufual a. Asians ho tam tak awm dan ka ti mai.