In Ngaihawm Dawn Hle Mai

Ka thiante chhungkua kum 10 chuang kan inhmelhriat tawh chu naktukah chuan khaw dangah an insawn tawh dawn avangin ka va inthiar pui a. Kan inthiar fel a, kan inkawm a, zanriah ka ei nghal a.

Riak turin min sawm mahse zan dar 10:30 a hnaih chuan ka va haw a nge tiin haw turin ka inpuahchah a.

An fate roomah ka va phei a mangtha ule tiin ka kuah (hug) a, an nu chu ka mangtha a ka thianpa nen chuan pawnah kan inchibai a. "In ngaihawm dawn hle mai" tiin kan inthlah liam a.

Ka haw lam motor chhungah chuan lungleng dawn dawnin ka awm a. Hla ngui deuh mai chu ka play nawn a.

Inhmuh lawk tawh dawn lova

hi a nuam ka ti lo ve.

Inah ka haw ang a, ka inbual ang a, naktuk zing ka thawh chuan ka ngai tawh lo pawh a ni thei. Tunah erawh chuan an ngaihawm dawn tak hle mai tih chiah ka rilruah a awm. Ka rilruah a awm lai a ni bawk a, in ka thlen chuan ka ziak thla nghal ang tiin ka inhrilh a.

Zanlai dar 12 a ri tep tawh a, "In ka thleng ta e. Tluang deuhin in kal dawn nia" tiin message ka va thawn a.

Ka rilrua awm ka ziak fel ta bawk a, zan tlai tawh viau mahse keipawh ka va inbual ve tawh a nge. Mangtha.