Birthday lawm ni

Birthday lawm ka pawisak lohna kum engemaw zat a ni tawh a. Present leh birthday wish pawh dawn ka beisei tawh meuh lo (wish chu dawng tho mah ila).

Pianni champha a rawn thlen dawnin chumi zat kum ka nih khan enge ka tih? khawnge ka awm tiin ka khawvel thlirletna atan ka hmang thin a ni ber mai. Kum thenkhat chu muangchanga ngaihtuah viau loh chuan thilthleng hriat a har deuh tan tawh der mai. 

Tun kum chu ka birthday ah min hmuh loh takin tiin ka birthday hma daihin card ka dawng lawk a.

happy bday

Ka birthday thlen hma chuan hna lamah, “Engtin nge birthday chu hman I tum?” tiin hnathawh puiten min zawt a. 

“Eng vak tih ka tum lo. Thiante nen ka hmang maithei” tiin ka chhang a. Ka thiante ka birthday pawh ka hrilh chuang lova, ka rilru chuan inah hman a, pawn ka chhuak peih a nih leh ka chhuak ang tih chauhin ka ngaihtuah a. 

Text message ka dawng a, “Tun weekend chu khaw chhungah kan awm dawn a. I birthday turin kan hruai chhuak duh che”. Restaurant pakhat chu a rawn suggest a, ei chakna vak nei lo mah ila hnialna ka nei lo.

Birthday niah chuan korean barbecue thar kha I kal tawh em? kan kal dawn ami, tia a rawn message leh chuan ka phur ru khawp a. Kum 1 kalta vel khan ka kal tawh, kal ila tiin ka chhang a.

Zan dar 6:30 ah chuan a hmunah kan inhmu a. Minute 5 vel chu table chang turin kan nghak a. Nilengin chaw ka ei lo bawka ka nghakhlel tawh hle a. Kan thut fel hnu diam dar 7 velah chuan restaurant table nghakin mi chu dawr hmaah chuan an intlar thup hlawm a. Table 30 vel awm mahse an lun hle a ni.

korean bbq

Kan ei tawk a, kan puar hle a. A tawpah check a rawn thleng a, ka lo pe thei em? tiin ka zawk a. I birthday alawm tiin an phal lo nasa.

Ka lawm lutuk e. Dollar 200 vel a nih ka ring, tip nen chuan. 

Ka car-ah an tana ka tiramisu cake lei ka dahthat chu kan haw lamah ka pe a. An lawm hle mai.

Kan inthlah liam ta a. 

In ka thlen chuan an fapa chuan birthday kan lawm thei chu a lawmawm tiin a rawn message a. Min lawm sak avangin lawmthu ka sawi a.

I hman theih hunah ka chhungte hi tlang (mountain) lamah I va tlawh dawn nia an nghakhlel ve che a a rawn tia. 

Tehreng mai. 

Leave a Reply

Your email address will not be published. Required fields are marked *