Tukin zing dar 1 velah ka pa in kan chhungkaw groupah ka unaupa video hlui rawn dahin a ngaih thu a rawn sawi a. Kei hna thawkin ka lo la meng a, reply miah lo chuan ka lung a lo chhe ve khawp mai a.
A thih anniversary kan lo thleng leh ta a. Hriat loh chhungin kum 8 lai chu a lo liam ve tawh a, thlaleh mai hian kum 28 ni ve tawh tur a nia.
Thinlaiah a thar leh thin
Keini tan chuan nghilhni I awm dawn lo
Eng anga mawl leh tangkai lo pawh ni ila kan lo dam ve hi kan nu leh pate tan hlu tak kan lo ni.
Khawvel hi hmun nuam lo leh hrehawm tak ni mahse kan tawrh zawh loh phurrit Pathianin min pe ngai lo.
Pa pakhatin ama chanchin sawi ka hriat reng chu, a nupui nen an inthen avangin a sum neih tam tak a chan a. A hna lamah a lo tluang lo bawk nen nuamsa taka awm thin kha vawilehkhatah a inthlak ta vek mai a. Hrehawm a ti hle. A harsatna te a tawrhchhuah hnuah a rawn hlawhtling chho leh ta a. Harsatna tawk mekte hnena a thuchah chu, “hrehawm ti hle mah la naktukah khua a lo var leh ang a, I nun siamthatna hun ni thar a lo chhuak leh ang”. A ropui hle mai.
A tawpna atan
Nun hi a hlu. Nang leh kei hi Pathian atanga kan nu leh pate malsawmna dawn, ropui leh mak taka siam kan ni.
He khawvela kan lo piang ve hi a chhan leh vang a awm. Heihi harsat lai pawha kan thu hriat reng tur a ni.
Pathianin he khawvelah I hun a tawp ta e a tih hma loh chu dam hi ka hna pawimawh tak a ni.
🦾🦾