girl pic unsplash

Inthen dawn emaw a hnuah hian an thiltih thin ka rilruah a rawn lang leh thin.

Thil ho te te. Midang hnena sawi tham pawh ni lo. An nuih dan te, an thusawi zin em em thu ho deuh deuh te.

Fiamthu “lame” deuh ka thawh hnua phur vak lova “wow” an tih dan te. Keimahin ka nui leh thin.

A chang chuan inthen lova awm theih chang awm mahse hmalam tumna inan loh avangin a loh theih loh chang a awm thin.

Ka ngaihtuahnaah an rawn lut hian a chang chuan ngaihna dawn dawn a awm. Khaw thim hnu zan reiah a ni tlangpui.

Fel lohna leh tlin lohna lai ngahin an bula ka awmin chung thenkhatte chu hrechhuak thin mah ila, rilrua ka ngaihtuah lai tak hi chuan an fel lohna lai te ka mitthla ah a rawn lang ngai lo.

Khua a rei deuh chuan ka theihnghilh a nih loh pawhin midangin an luahlan ang tih ka ring.

Mahse…Tunah rih chuan hun reilote mah nise ka mithmuha I chezia ngainatawm ka tih lai ber ka mitthlaah a awm.

One thought on “I Thiltih Ka Ngaihtuah Thin

Leave a Reply

Your email address will not be published. Required fields are marked *