Inbual Fai

A chang chuan rilru fimna damdawi a ni hialin ka hria.

Peih lo tawkin ka inbual a, inbual zawh chuan ka hahdamin ka thla a muang sawt thin. Nimahsela inbual ka nghakhlel khat khawp mai.

Thawk khat lai khan ka mood a fuh vak loh chuan ka thil tih lai dahin ka inbual tawp thin. A thawk tlangpui. College ka kal laiin zan rei inkhelh zawh emaw gym kal zawhah ka inbual a, tui lum shower hnuaiah dingin rei tawk ka inbual thin. Ka tui hman zah ngaihtuah miah lovin tui lumin ka taksa rawl tak a rawn khawih chuan a nuam ka ti thin hle.

shower unsplash

Inrinni khan bjj class ka kal a. Banah pawn ka chhuak chiah chu midum pa pakhat (blue belt) kan gym-a rawn insawn hlim chu ka hmu a. A rawn insawn class hmasa berah kan train dun tawh a. A car chhungah a lo lut dawn chiah, a kawngkhar pawh a lo hawng tawh. Ka motor pan paha “good bye” (kan gym ah a common) liam mai ka tum chuan,

“Hey [ka hming], Sunday a drill pui tur partner ka mamawh a” tiin mi rawn bia a. Kan inbe chho zel a.

“Tournament a tel tha I ti em?” tiin ka zawt a.

“Tournament pathumah ka tel tawh a. Gym ah chuan 100% in a tang theih lova, tournament ah chuan theihtawpin I tang ang a, I match a thlen hmain I zam viau ang. Soccer I khel thin a, match pui ber khelh hmaa nervous ang khan ngai rawh. I taksaah anxiety a rawng thleng ang a, withdraw I duh ang. Fanu kum 20 ka nei a, nang ang rual vel a ni ang chu”.

Kei aiin naupang deuh mahse engmah sawi lovin ka lu chuan ka “yes” a.

“Tunlaiah phone an khawih nasa lutuk a. Anxiety an ngah hle a. Nang chu anxiety I nei tlem hle a ang, I lo nei mial a nih pawhin”

“Gym ah kan train hmain ka chhungrilah ka zam thin” tiin ka chhang vat a.

“Gym ah chuan kan hmuh thin ngai ho nen kan train a. Tournament ah chuan kan hmelhriat loh kan hmuh ngai loh nen kan intum dawn a. A zamawm duh hle. Mahse kei ka hmuh danah chuan hmasawnna zel atan kan hmachhawn a tha ka ti”.

A tawng lai chuan a car chu ka en chiang a, Lexus model thar tle fai deuh mai hi a lo ni a. A to hmel hle. A tawng dan atang reng rengin mi educated tak tih a hriat.

Chhun ni san lai a ni bawk a khua chu a lum hle a. Ka motor ka pan a, thlan tla hluamin in ka thleng a, ka inbual fai a.

One thought on “Inbual Fai

Leave a Reply

Your email address will not be published. Required fields are marked *