Ka Thil Lei Duhte

thawmhnaw dawr

Hna ka thawh hnuah a hma aiin sum lut a tam a, a chhuak a tam bawk a. A hma zawnga sum ka neih huna siam that a ngai a nih hi tia ka dahthat ho inchhekkhawl a lo tam hman hle. 

Sum enkawl, budgeting, a lut leh chhuak ka thlithlai uluk avangin ka sum chhuak zat chiah chiah ka hre chiang a. March thla atang khan ka thla tin sum hman a kai dawrh mai. 

Ka mamawh leh tih ngai ngei ngei tam zawk ka buaipui tawh a. Emergency atan bik thlatin ka inkhawl bek bek bawk a. 

Mamawh em em ni si lo mahse ka thil lei duhte ve thung. 

* Inbualna shower curtain

Kan hman lai hi ka thianpain $2 vela a lo lei ve ngei. Ka inbualin duhthu a sam lo hle. Nizan pawh pawn lamah tui a leak chhuak, vawiiniah ka han order nghal law law teh ang.

* Wallpaper

Ka khum bula tar tur thlalak, framed. Ka tar duh thlalak ka la thlang fel thei lo. 

* Dash cam

Motor insu video car chhung atanga lak kan hmu theuh tawh awm e. Hna avangin motor ka khalh hnem a, highway ah chak tawkin motor kan inpel fua fua thin a. Accident ka hmu hnem tawh hle bawk a.

Mi insu hmuh tur a tam a, a thiam lo zawk tia inpuhna dik lo pawh a thleng zeuh zeuh bawk a ni. 

Dash cam neih ngei a tha a ni. Hei pawh hi duh ni lovin mamawh tiin thenkhat chuan an ngai ngei ang. 

* Window curtain

Tuna ka tukverh curtain hi a that lohna enge? Engmah a awm chuang lo. Plain deuh mai, man tlawm lo awm sa a ni a.

Room design leh tlema chei mawi ve deuh a thain ka hria. Ka hman changin online ah tukverh curtain man tlawm ka zawng zeuh zeuh. 

* Thawmhnaw thar

Thawmhnaw lei chakna ka neih lohna a rei tawh a, a khat tawk tih loh chuan ka lei ngai lo. Ka lei pawhin a man tlawm/sale ka lei tlangpui.

Ka thawmhnawte replace/thlak a hun chho tan. 

Thil man tlawm lei aiin a man to (quality) lei ka dah pawimawh tan a. Buy cheap, buy twice. Pawngpaw neih tam aia rin tlak zawk neih. Mi pek tur thawmhnaw plastic bag lian khat ka la kawl. 

Example:  T-shirt man tlawm nalh ve tho si vawi hnih suk hnua hak tur mumal awm tawh lo ka nei nual. Ka leather pheikhawk $80 (~Rs 5700) man vela ka lei chu kum 4 hnuah pawh ka la bun thei reng thung. 

Tun hnai khan Common Projects pheikhawk $500 (Rs 35664) man vel kha $300 (Rs 21398) in an sale a lei ka tum deuh a, sale a lo tawp hman.

Ka thawmhnaw leh accessory lei duh thenkhatte. A pang(?)/edgy an ni deuh hlawm. 

  • Boot dum
  • Dress shoes
  • Turtleneck
  • T-shirts $50 aia to lo – dum leh var
  • Sunglass
  • Zungbun
  • Bengbeh – hoop

Ziah theihnghilh pawh ka nei ang. Zaninah ka sweat pants mail ah a rawn thleng dawn a, ka lehkhabu chhiar tur pawh a rawn thlen tawh ka beisei. 

Kar leh chu ka graduation present dawn suit dawrah ka fit that tir a ngai.

2 thoughts on “Ka Thil Lei Duhte

Leave a Reply

Your email address will not be published. Required fields are marked *