Malaysia Truly Asia

Mission Veng kan la awm lai, 2000’s vel khan he fakna hi TV ah an rawn chhuah thin a. Kan sitting rooma TV dum te chu hmuhnawm ti takin ka thlir thin. La naupang hle mah ila Malaysia ka kal chak phah hle.

US ka thlen hnuah ka Mizo leh zo lo thianten US an rawn kal hmain Malaysia ah an lo cheng hrep tawh hlawm a. A chanchin min hrilh thin a. Thenkhat chu a khawpui chhung Kuala Lumpur (KL) ah chengin a then chu a khawpui pawnah. Malaysia ti lovin Mali an ti mai thin.

A nuam an tihzia an sawi tlangpui – an zalen a, khawlaiah pawh zu a in theih, ei in man a tlawm avangin inah pawh ei rawng an bawl ngai lo, etc. Amaherawhchu immigration lehkha buaina avangin police man an hlau hle thung thin.

Note: A khawpui chhunga khawsa leh khawpui pawn a khawsa nun chu a inang lo.

A khat tawkin he video hi ka hrechhuak thin a. Ka hriatchhuak hmasak berin youtube ah ka zawng a, a rei tawh em avangin a video awm dan chu chiang takin ka hre tawh lo. A khawi ber hi nge ka en thin kha tiin ka zawng kual a. Video pakhat chu music a rawn rikin ka naupan lai mi ti hrechhuak nghal. A dang ho erawh chu scene lai thenkhat chiah ka lo hre tawh (ex. a tawpa dawna hmeichhe ho an kun (bow) lai).

Engtikah emaw chuan ka la tlawh chu ka ring. Tlawh mah ila va tih tur pawimawh, tih chak deuh nei lo mah ila. Ka naupan laia ka suangtuahna ang chu a ni dawn lo tih hre reng mah ila.

One thought on “Malaysia Truly Asia

Leave a Reply

Your email address will not be published. Required fields are marked *