Pathianni Zing

Tukin zing dar 9:30 velah ka harh zawk a, phone alarm a rawn ri a ka phone ka va ban chuan dar 10:40 a lo ni tawh a. Dar 11 a inkhawm, online inkhawm nang hman tura ka alarm set. Eng ka hriat chang hmain ka lo muhil leh a. Ka harh leh chuan 11 a lo pel tawh. Tlai deuh takin zoom video call inkhawm chu ka va zawm a.

Nizan ka meng rei lutuk a. Tunlai in kan chhuak tha thei lo nen weekend a zan men rei a awl hle. 

Online inkhawm ka zawm chu khum atang pawhin ka la chhuak lo. Rilru pawh la harh fim lo mah ila a hahdamthlak ka ti hle.

Inkhawm zo chu khum atangin ka tho chhuak a, bathroom ah lutin ka inbual nghal a.

Vawiin chu nikhua a thain boruak a nuam hle a. Ka inbual zo thawmhnaw ka hak zawh chuan ka khum bedsheet leh lukham sheets chu hlipin washing machine ah ka su a, coffee ka insiam a, ka patio ah chhuakin ka hawi vel a nuam ti takin coffee chu ka in a (a chunga thlalak khi patio atanga ka lak). 

Inchhunga boruak lut turin pawn kawngka chu ka hawng a, AC pawh ka mamawh meuh lo.

Dawhkanah thuin ka TV teah chuan Orthodox Sunday Service live youtube ami chu ka chhuah a. Thuhriltu sermon chu a dik hle mai – Tunlai virus vang leh government shutdown avanga thlaphang leh hlaua awm kan tam hle a. Pathian kan hlauh chuan engdang hlauh a ngai lo. 

4 thoughts on “Pathianni Zing

Leave a Reply

Your email address will not be published. Required fields are marked *