Blog post ka ziah dawnin a tlangpuiin ka rilrua awm sap tawngin ka ziak chhuak hmasa a, chumi hnuah online dictionary hmangin Mizo tawngin ka let leh a.
Blog post mai mai a nih avangin grammar dik thupui em em lo mahse ka thumal hman thenkhat hi a dik leh dik loh pawh ka chiang lo fo.
Online a hming tak leh career
A hnuaia video ah hian online a I hming tak hman that loh chhan thenkhat ka sawi a, video a ka sawi hmaih heta ka ziah pawh a awm.
Hna career leh online a hming inzawmna
Hna I zawnin company in “background check” an tihin I hming search engine (google) hmangin an zawng tel ang.
Social media
I profile-ah thil mawihnai vak lo an hmuh chuan an hire loh phah thei.
Hna thenkhatah chuan mipa kawr ha lo lova thlalak dah pawh hi a “professional” lo an ti.
3rd party service, online a i account hran hran zawng chhuak thei pawh a awm nual tawh a ni awm e.
Online public shaming
A tha lo zawnga internet ah mi a lar (viral) a nih chuan a hnathawhna an zawng chhuak a, hna atanga ban tir an tum thin. Hemi avanga hna hloh pawh hi sawi tur a awm zeuh zeuh.
Mi tam takin message duhawm lo tak tak an thawn thin a, online hmanga “public shaming” vantlanga tihmualpho tumna a thleng thin.
History
I hming an zawn apianga article/videos I hming (leh thlalak) a tha lo zawnga sawisel che an hmu teuh thei. Heng articles ho hi dik lo fo mahse a pawina an thlen tawh thin.
Politics
Online a I thusawiin a taka I hna, career lamah pawina a thlen thei. Company liana hna neih chuan politics lam thil sawi loh a him ber an ti fo. Tunah mi thil tih leh sawi tawh haichhuah an ti thin a, an la naupang at deuh laia mi pawh ni se nakina an career a la nghawng thei.
Career lama that lohna lam ka rawn sawi a mahse career lamah chauh lo pawh pawina a thlen thei. Entirnan, online a viral avanga ram thenkhat atanga luh phal lohna (ban) pawh a thleng zeuh zeuh tawh.
Internet culture a inthlak danglam zel a, a hmaa zawhte nuihzatthlak thlalak kan en na hmun ang ngawt kha a ni tawh lo ve.
Tha hle Mai thianpa