Ka thianpa inneihna chu covid19 avangin a hun an ruahman lawkah an ti leh thei ta si lova, engtikah nge an tih leh theih tur pawh kan hre lawk mai lova. August thla khan October thla tirah tih an tum thu leh tunlaia insawm a nawm loh avangin ka kal theih loh pawhin an hriatthiam thu mi rawn hrilh a. Ka tum ngei thu chu ka hrilh a, mahse chiang takin ka sawi theih mai loh avangin ka va hrilh leh lawk lova. Thla 1 hnuah mi rawn zawt leh lo se chu ka lo theihnghilh rei viau maithei a ni.

A hmaa ka thian dangte nena zin kan lo tum tawh, ticket pawh kan lak tawh, mahse airline in an thulh leh tak avanga flight credit ka la neih hmangin ticket man tlawm ber chu ka book ve leh phawt a. Amaherawhchu inneihnaa an sawm zawng zawng coronavirus test lak an mamawh thu mi rawn hrilh leh chuan ka kal leh theih pawh ka inring chiah lova. A chhan chu ka positive ka inringhlel deuh a. Virus awm lo ang maiin ka khawsa a – mask ka vuah khat khawp a, gym ah leh jiujitsu class ah pangai takin ka la kal reng a. Tlem ka lo khuh ve zeuh zeuh bawk nen.

Engpawhchunise ka hnathawhna lamah vacation ka lak tur thu ka hrilh lawk ve hrim hrim a. Pharmacy ah test turin Inrinni zingah appointment ka book a, ni 2-3 hnu velah result a rawn chhuah chuan ka lo negative hlauh mai a. Zirtawpni zing hma tak maiah Maryland lam pan tur chuan ka backpack pakhat nen chiah kan khaw airport lam chu ka pan ta a.

Ka kalna video pawh ka la nual a. Nidangah video chu ka la khawih ang.

Thlalak ho hi a indawta ka lak an ni hlawm.

3 thoughts on “Thianpa Inneih Hmanna leh Thlalak

  1. US-a lehkha i zir dan hi chiang deuhin ain hrilh theih em le? Scholarship angin i kal nge ngangma sum sengin? India pawisa chuan ato bawk sia scholarship hmuhte hi ahr em?

Leave a Reply

Your email address will not be published. Required fields are marked *