Kawngsira pawisa lo dil thin ho hi pawisa ka pe khat khawp a. Pawisa neih chan pawhin pe ta ila engtin nge an hman ang tih hi rilruah a cham reng thin.

A tam tak chu chu mamawh ni lovin drugs leh ruihtheih thil leinan an hman thin avangin an tluk chhiat lehzualna kan tanpui angin a hriat theih hial a.

highway
Highway exit na light

Tlai dar 6:30 ah gym panin motor ka khalh a. Highway atangin exit ka chhuak chiah tihah traffic light chu a lo sen hman avangin ka nghah a ngai ta a.

Ka bul kawng sir chiahah chuan sign nena kutdawh a lo awm a. Light a ding hmasa ber ka nih avang chuan ka bul chiahah a ding a, a sign ken chu chhiar ka han tum chuan ka chhiar phak lo chiah chiah.

Ka bag chhungah chuan cash ka nei a, ka pe angem ka pe lo angem tiin ka inngaihtuah a. Drugs lei nan a hmang angem?

Ka rilru a insual lai chuan traffic light lah chu a hrin tep ka ring tawh a. Rilru confi lo takin ka bag chhunga $5 chu ka la chhuak a (a aia tam chu ka pe phal bik lo). Ka tukverh ka tithla a, chu pa chu ka va ko phei a.

Pawisa ka pek chuan a lawm khawp a, “God bless you” a rawn ti a. A lawm dan chu inchhir lawm ang a ni. Khup khatin a thingthi a, a mit chu a chhing a. A tawngtaiin ka hria. Engtin nge a pawisa hman dan tur hre lo mah ila ka chhungrilah chuan a mamawh atan a hmang ngei ang tih chu rinna nghet tak ka nei a.

Ka lawm phah ta hle mai a. Pathianin min hmang thei angem? tiin ka inngaihtuah a. Pawisa ka pek loh teuh zia ka hria a, lo pe lo ta ila engtin nge a awm ang? Pek belh tur ka la neih pawh kha pek belh ka duh hle.

Traffic light chu a rawn hring ta nghal a.

Zanin chu thlamuang takin a hman theih ka beisei.

3 thoughts on “Traffic Light-a Pawisa Inpek

Leave a Reply

Your email address will not be published. Required fields are marked *