Nitin traffic jam a tan ka ning tawh lutuk, ka hna bang haw lam motor chhunga thut pahin keimahin ka phun a. Ni dang ang bawkin vawiin chu traffic jamah motor tam tak kan intlar duah lehpek a. Ka phone a gps ka han en a, minute 50 a la awm… Hetiang chu a ngaihna a awm lo, ka insawn a ngai a ni. Thla 2-3 hnu velah chauh ka insawn chu a ni thung.

Ka roomate ka thianpa ni bawk chu ka hrilh hmain ka options ka enkual hmasa a. Engzah nge ngai ang, tunlaiah housing a to em, etc. Kan awmna apartment lease contract a la zo lo bawk a, ka thianpain roommate dang a hmu thei lo emaw thil dang avanga remchan lohna a awm a nih chuan ka insawn thei dawn chuang lo tih chu ka hre bawk a.

Ka hnaah break laiin in luah tur ka zawng kual thin a. In man a to lai tak a ni. A hnu kar engemaw zat hnuah chuan ka thianpa chu insawn ka tum thu ka hrilh a. Min hriat thiampui hle a, “Roommate dang ka lo zawng tan ang e” tiin mi chhang a. Apartment-tlawh-tur list ka siam chu hna banah ka tlawh thin a.

Awm duhna veng ka nei a mahse budget pel lo tur ka mamawh ve bawk si. A tlawm ho, thlalak atanga nawm hmel tak tak ho lah reviews han chhiar ila, “Sazu leh chukchu thian neih I duh lo a nih chuan insawn suh” tih te a lo awm thul. Online in zawnna website ho chu ka tlawh zing hle a, duhthlan a har ka ti hle. Apartment hoin an rent man nitin deuhthaw an thlak avangin an lo ti awl lo ve bawk.

Hmun pakhat chu apartment manager in a chhung min fanpui hnuah a remchang ka ti khawp a. Special offer an neih lai a lo ni hlauh a, ka apply nghal a. Kar 1 chhungin ka background history leh credit te an han check a. Min approve hnuah chuan least contract chu sign turin min rawn email. Tlem chuan to hret mahse apartment chhung chu ka duhtawk angreng.. Ka sign tep tawh tihah a bul area history a that vak loh thu ka hmuhchhuah avangin ka sign ta lo. Phone ka vawn hman loh laiin an office manager chuan a khat tawkin mi rawn call thin a. An call list atanga min paih turin ka va call let hnuah chiah a tawp.

Ka hnathawhna leh ka awmna hlui inkara apartment pakhat chu ka thlang ta a. Apartment hmun 5-6 vel ka tlawh hman.

A hma atangin ka insawn hun ami tur tiin ka lo inkhawl lawk tawh a. Mahse vawilehkhata sum hman tawk chu a la na tho mai.

HmannaHman Zat ($)
Apartment application fee76.69
Apartment insurance (thla tin)9.84
Natural Gas – Account Setup Fee + Activation Fee/Assessment60
Power electric (account setup, etc)135
Internet router43
Apartment Security Deposit1029.56
Internet account50
Household goods – inchhung mamawh, bungbel, cleaning supplies, etc124.58
Min puitu lunch ei pui, ei in neuh neuh47.45
Inchhung mat, sink mat, dry wall patch, etc32.06
Total:$1608.19
List (in man telh loh)

Insawn laia ka sum hman ka chhinchhiahte. A total ah $0.01 ka belh – enge ka hman chhan ka hre tawh lo.

Dawra ka thil lei thenkhat

Ka hnathawhpuite thenkhat chu darkar 1 chuang fe kum tam an lo inkhalh tawh a. Ka minute 45-50 vel chu a tam lo an ti hle ang. Hnathawh tirha ka phurna leh chakna chu thla 6-7 hnu velah chuan par ang a chul zo ta (he thu hi a awmzia chiang takin ka hre lo).

A tawpah chuan hun a awm lo a ni. Traffic tlem hun nghaka cafe a thut kual, traffic a tan, etc. ngaimawh loh chang pawh a awm. Mahse thil engemaw ber chu ka sacrifice phah thin – mut tlem, ei in rawngbawl lova ei chhuah, thian kawm, etc. Insawn turin, mahnia awm hrang turin sum ka pek belh a, thla tin hlawh atangin sum ka chan ziah a, amaherawhchu hun ka neih belh thung. A awm ang hlein ka hria.

4 thoughts on “Insawna Ka Sum Hman Zat $

  1. Chhiar a nuam thin khawp mai… Pathian in rem a tih chuan US lama hna rawn thawh ve hi ka tum a, tlem tlem – in ka lo in hmakhua ve theih phah zel a, a lomom takzet; han ti zel teh… Chuan, total khi India poisa phei chuan a tam hle mai a, i salary hi a tha ve deuh hrim hrim nge i inkhawl ve hman nual hrim hrim zawk le???

    1. edit: Ka inkhawl lawk.

      Leiba ka nei lova, mahni chiah inenkawl a ngaih avangin expense ka nei vak lo bawk.

  2. I roommate hlui chu i ngai eem?. I apartment awmna chu a Nawm ngei ka beisei.. ..i house tour nei kha a ni tiraw?

Leave a Reply to Emmanuel Hmar Cancel reply

Your email address will not be published. Required fields are marked *