Big Surprise in NYC

Ka video in lo en tawh a nih chuan keimah tel lova lang zing ber chu ka thianpa Ceu-a a ni awm e.

Nikum 2021 June khan August-a a bialnu birthday lawm turin New York City atan kan ruahman lawk a. A bialnu propose a tum thu chu kei leh kan thianpa dang chuan kan hre lawk ran a, a bialnu chuan a hre lo thung.

Zirtawpah Ceu a nen kan pahnihin Atlanta atang Newark, New Jersey ah kan thlawk chho a. Taxi (Lyft) in Times Square bula kan hotel thleng kan phei leh a. Kan hotel bulah Maryland atanga rawn kal kan thianpa leh Ceu a bialnu chuan Gucci dawr atanga an thil lo lei chu rawn khaiin an rawn kal phei leuh leuh a.

A tukah chaw ei leh thla lain kan vak chhuak hrep a kan chau hle. Zanriah atan restaurant reservation kan nei a, kan kal hmain pier mawi tak an tihah photoshoot zuai turin kan kal a. Kan thlen veleh hmanhmawh takin kan kal a, ruah a rawn tlak deuh avangin mi pawh an lo tam lo hle. Keiin ka thianpa proposal ring a ruka ka bag-a ka lo ah chu a bialnu hmuh loh laiin kan inpe kual a. Keiin video camera ka vuan a, kan thianpain thla a lo laksak bawk.

Tichuan a propose ta a. A bialnu pawh a lo inrin loh hle avang chuan kan hlawhtling ngei mai. A hnuah a bialnu chu “I lo beisei em?” tia ka zawh chuan, “Tun trip chu ka lo beisei ru ve deuh. Ring size leh wedding neuh neuh te kan sawi thin a. Mahse a propose har tawh lutuk a, a propose tawh dawn lo a nih hi ka lo ti hman”.

Ceu-a ka lawmpui a che, in inneihna pawh tluang takin a rawn thlen ka beisei.

3 thoughts on “Big Surprise in NYC

  1. YouTube ah lo lang leh tawh rawh
    Tawi te te tal video lo dah rawh
    Vlog emaw i thil ti lai pawh ni se, ka lo chang reng thin che a.

Leave a Reply to Cham Cancel reply

Your email address will not be published. Required fields are marked *